Sinhala story Blog

ජූනි 13, 2012

විද්‍යාඥයන්ට පරිභව කරන්න එපා තරුණයා

Filed under: Uncategorized — sinhalashortstories @ 8:12 පෙ.ව.

“ආචාර්ය කොකින්ට්ස්,” ටලී ඔහු ඇමතීය,

“ඔබ හැංගිලා ඉන්නෙ බොරුවක් පිටිපස්සෙ. ලෝකයේ හැම මිනිහෙක්ට ම වඩා වැඩි ඥානයක් තියෙන කෙනෙක් විදියටයි ඔබව සැලකෙන්නෙ. ඒත් ඔබ පෙන්වනවා ව්‍යාජ සහ අව්‍යාජ තත්වයන් දෙකක වෙනස වටහා ගන්නට බැරි බවක්. ඔබ කියනවා ඔබ ඇමෙරිකන් පුරවැසියෙක් කියා. ඒත් ඔබ අමතක කරනවා ඊට කළින් ඔබ මිනිස් සංහතියේ සාමාජිකයෙක් බව. ඔබ කියනවා ඔබේ යුතුකම සිද්ධ විය යුත්තේ ඇමෙරිකාවට යැයි කියලා. ඉතින් කොහෙද සෙසු මානව සංහතිය වෙනුවෙන් සිද්ධ විය යුතු ඔබේ යුතුකම? ඇමෙරිකන් පුරවැසියෙක් ලෙසින් ඇති ඔබේ තත්වය ඔබට දෙනවා ද සෙසු සාමාජිකයන් සියල්ල මිලියන ගණනින් විනාශ කරන අයිතියක්? මොකක් ද කළින් එන්නෙ? ඔබේ වර්ගයා ද නැත්නම් ඔබේ රටට ඇති යුතුකම ද?”

“මම දන්නෙ නැහැ,” ආචාර්ය කොකින්ට්ස් විඩාබරිත ව කීවේය. “මම දන්නෙ නැහැ. මම දන්න එකම දේ තමයි ඔවුන් මාව උසාවියට ගෙන ගියොත් ඒ ගෙනියන්නෙ මානව වර්ගයාගේ සාමාජිකයෙක් හැටියට නොවේ ඒ අරන් යන්නෙ ඇමෙරිකන් පුරවැසියෙක් හැටියටයි කියලා විතරයි.”

“ඔබ දන්නවා, ඒත් ඔබ පිළිගන්නෙ නැහැ,” ටලී කිව්වේ අවමාන කරන පරිදි ය. “ඔබ උගත් වහලෙකුට වඩා වැඩියෙන් වූවෙක් නොවේ. ඔබට විතරක් කරත හැකි, මිලියන ගණනකගේ ඉරණම තීරණය කරන අණ බාර ගන්නවා ඔබ. ඊ ළඟට ඔබ දේශප්‍රේමීත්වයේ නාමයට මුවාවෙලා ඒ අණට කීකරු වීමේ ප්‍රතිවිපාක වලින් හැංගෙනවා.

ආචාර්ය කොකින්ට්ස් සිය ඝන කාච සහිත වූ ඇස් කණ්ණාඩි කුට්ටම ගලවා අතට ගත්තේය. ඔහුගේ අත් සිරුර දෙපැත්තට තදවුණි. ඔහු ටලී වෙත පියවර කිහිපයක් තැබුවේය.

“ඔබ තරුණයෙක්,” ඔහු කීවේය, “ඉතින් ඔබ කතා කරනවා ඉහළ මූල ධර්මයන් ගැන ඒ දැනුමෙන් නෙමෙයි නොදැනුම නිසා. මා ඉදිරියේ ඇති ගැටළුව ඔබ කවදාවත් මුහුණ පාන ගැටළුවක් නෙමෙයි. මම වැනි විද්‍යාඥයින් වෙනත් ලොවක සත්තු වෙලා. අනිත් සාමාන්‍ය පුද්ගලයන්ට මාර්ගෝපදේශයක් වන සාමාන්‍ය සද්ගුණ ඇගයුම් අපේ වැඩ වල ස්වභාවය නිසා අපිට අහිමියි. කාටවත් වැටහෙන්නේ නැහැ අපි කරන්නේ කුමක් දැයි කියා, අපිට පමණයි තේරුම් ගත හැක්කේ. අපි කතාබස් කරන්නෙ අපිට පමණක් සුවිශේෂී වූ භාෂාවකින්. වෙන කාටවත් එය තේරුම් ගන්න බැහැ. ඒ භාෂාව තමයි පරමාණු භෞතික විද්‍යාව. අපි දන්නවා අනිත් හැමෝටම වඩා අපේ වැඩ වල ඇති අති විනාශකාරී වූ ස්වභාවය. ඒත් අපි අනිත් මිනිස්සුන්ට පනවා ඇති නීති රෙගුලාසි වලින් සීමා වෙලා ඉන්නෙ. අපි එක්කො දෙවියෝ නැත්නම් සාතන්ලා. ඒ කොයි පැත්ත ද අපිව දකින්නෙ කියන එක මත තීරණය වෙන්නක්. අපි කරන වැඩ වලින් ඇතිවන හොඳ හෝ නරක සිද්ධ වෙනවා ද නැද්ද යන්න තීරණය කරන්නෙ අපි නෙමෙයි වෙනත් අය විසින්. එයාලා තමයි තීරණය කරන්නෙ මිලියන ගණනක් මිනිස්සු මැරෙනවා ද නැත්නම් මිලියන ගණනක් කිසිදාක නැති විදියකින් ජීවත්වෙනවා ද කියා. දිගු කාලීන ජීවිත, සතුටු ජීවිත, රෝග වලින් තොර වූ ජීවිත. ඒ නිසා විද්‍යාඥයන්ට පරිභව කරන්න එපා තරුණයා. පරිභව කළ යුත්තේ සියළු විද්‍යාඥයන් පාලනය කරන සෑම රටක ම ඉන්නා සාමාන්‍ය පුද්ගලයන්ටයි. එකිනෙකා හා එකඟ විය නොහැකි සාමාන්‍ය පුද්ගලයෝ අපි වගේ විද්‍යාඥයන් ළඟට ඇවිත් විනාශකාරී දේවල් හදන්න යැයි යොමු කරවන්නෙ. විද්‍යාවට කළින් යුද්ධ තිබුණ. මේ කර ඇති අපරාධය තමයි යුද්ධයේ ආම්පන්නයක් සහ වහලෙක් ගාණට විද්‍යාව ගෙනැවිත්. මිනිස් දැනුම, ඉතා අමාරුවෙන් සහ මහන්සියෙන් එකතු කරගත් දැනුම අද මිනිසාගේ විනාශයේ උපකරණයක් කරගෙන.”

මේ සියළු කාලය ඇතුලත පියර්ස් බැස්කොම්බ් නිහඬව සියල්ල අසා සිටියේය. තම පුතාගේ අවජාතක පරම්පරාව ගැන කියද්දී ඔහු කලබල නොවීය. ආචාර්ය කොකින්ට්ස් තම නිදහසට කරුණු කියද්දී ඔහු නිහඬව සිටියේ ය. කුරුල්ලෙක් එළිමහනේ ගීයක් ගයනවා ඔහුට ඇසිණ. ඔහු හිස මඳක් ඒ පැත්තට හරවා එයට සවන් දුන්නේ ය. ජය කෙහෙලි නංවන ආකාරයෙන් ස්වරමාධූර්යයෙන් වූ සංගීතයක් පිට කරමින් ඉහළට ඇදුණු තනු වලින් දිව ගිය කුරුල්ලාගේ ගීතය සිනහ ගන්වන තනු දෙකකින් මුළු ගීය ම විහිළුවක් යැයි කියන්නට මෙන් ගයා නැවතිණ. ආචාර්ය කොකින්ට්ස් ද එය අසා සිනාවක් පෑය. ඔහු තමන් දෙපස සිටි මුරකරුවන් දෙදෙනා දිහා බලද්දී ඔවුන් ද කුඩා දරුවන් මෙන් සිනා පාන හැටි දැක්කේ ය.

Advertisements

ප්‍රතිචාරයක් ලබාදෙන්න »

තවමත් ප්‍රතිචාර නොමැත.

RSS feed for comments on this post. TrackBack URI

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

WordPress.comහි නොමිලේ වෙබ්අඩවියක් හෝ බ්ලොග් සටහනක් සාදාගන්න.

%d bloggers like this: