Sinhala story Blog

ජූනි 4, 2012

සමහර කොල්ලො අවුරුදු හතර පහකින් ඇමෙරිකන් කෙල්ලෙක් දැකලා නැහැ

Filed under: Uncategorized — sinhalashortstories @ 7:41 පෙ.ව.

“නම හුරුයි මට. ඒ කතන්දරයට වඩා මෑතක වෙච්ච සිද්ධියක් හා සම්බන්ධයි,” ටලී කීවේය.

ඔහු ආචාර්යවරයා දිහා බැලීය. වහලක් නොමැති වාහනයේ මුරකරුවන් දෙදෙනෙක් මැද්දේ ඔහු අසුන් ගෙන ය. ඔහුගේ ඔඩොක්කුවේ කැනරි කුරුල්ලා සිටි කුරුළු කූඩුවයි. ඔහු කුරුල්ලා හා කතාබහේ යෙදී සිටියේ ය.

“අන්න ඒක,” හදිසියේ ම ටලී කීවේය. “කුරුල්ලෝ. කොකින්ට්ස් තමයි මගේ පියාට අභියෝග කරපු එක්කෙනා. පියා ග්‍රෑන්ඩ් ෆෙන්වික් හි කුරුල්ලෝ ගැන ලියපු පොතට. කොකින්ට්ස් කිව්වා ග්‍රෑන්ඩ් ෆෙන්වික් දනව්ව කුඩා වැඩියි කියල දේශීය වූ කුරුල්ලෝ සිටින්නට. දැන් මට මතකයි. “ඒයි, ඔයා,” ඔහු විද්‍යාඥයා ඇමතීය, “ඔයා වරක් ලිව්වෙ නැද්ද ග්‍රෑන්ඩ් ෆෙන්වික් වල දේශීය කුරුල්ලො නැහැයි කියලා ලිපියක්?”

“මම ලිව්වා,” කොකින්ට්ස් මෘදු හඬකින් කීවේය.

“එහෙනම් ඉතින් ඔයාට ඉතා ඉක්මණින් අවස්ථාව ලැබෙනවා ඔයාගෙ වැරැද්ද හදාගන්න,” ටලී කීවේ බැරෑරුම් විලසකිනි. “ඔයාට ඉගෙන ගන්නට හැකිවේවි ග්‍රෑන්ඩ් ෆෙන්වික් දනව්වේ දේශීය කුරුල්ලන් ගැන, මෙයාගෙන් පටන් ගෙන -ඔහු තම වස්ත්‍රයේ වූ හිස් දෙකකින් යුත් උකුස්සාව පෙන්නුවේය- අවසන් කරන්න පුළුවන් ගේ කුරුල්ලන් ගැන ඉගෙන ගෙන. ග්‍රෑන්ඩ් ෆෙන්වික් වල ඉන්න ගේ කුරුල්ලන්ගෙ ඔළුවේ උඩ පුංචි පිහාටු රොදක් තියෙනවා.”

“ඒ යටිකූරිත්තෝ වෙන්නැති,” ආචාර්ය කොකින්ට්ස් කියුවේ තම ඝන කාච සහිත ඇස් කණ්ණාඩි ඇතුලතින් ඇසිපිය ගහමිනි.

“ඔයාට පුළුවන් මෙහෙ දී උන්ව යටිකූරිත්තෝ කියලා හඳුන්වන්න,” යැයි ටලී කට ගැසුවේ ය, “නැත්නම් උකුස්සො කියලා වුනත් කියන්න ඇහැකි. ඒත් ග්‍රෑන්ඩ් ෆෙන්වික් වල දී උන්ට කියන්නෙ ගේ කුරුල්ලො කියලා. ඒ වගේ ම උන්ගෙ හිසේ පිහාටු රොදක් තියෙනවා.”

මේ වන විට ඔවුන් කුනාඩ් තොටුපළ අසලට පැමිණ සිටියහ. පේද්‍රෝ සහ ඔහුගේ සගයන් පස් දෙනා ඒ අවට අව්වේ සැප විඳිමින් සිටියහ. ටලී ගේ හඬෙන් ඔව්හු අවදි වූහ.

“අපි නැවට එනවා,” ඔහු කීවේය, “නැංගුරම් උස්සලා ගමනාරම්භයට සූදානම් වෙන්න.”

“අපිට පැය කිහිපයක් ගොඩබිමට යන්න අවසර දෙන්නෙ නැද්ද?” පේද්‍රෝ විමසීය. “සමහර කොල්ලො අවුරුදු හතර පහකින් ඇමෙරිකන් කෙල්ලෙක් දැකලා නැහැ.”

“පිටත් වී යමු,” ටලී ගිගුලේ ය, “මේ කෙල්ලො බලන්න යන්න හිතන වේලාවක් නෙමෙයි.”

පේද්‍රෝ දෙවුර හකුළා නැංගුරම් ඔසවා නැවේ රෑන් පටි ගලවන්නට පටන් ගන්න යැයි සංඥාව දුන්නේ ය. ආචාර්ය කොකින්ට්ස්, ජනරාල්වරයා, පොලිස් නිලධාරීන් හතර දෙනා සහ රියැදුරා නැවට ගෙන යන ලදි. ඔවුන් පසු පසින් ග්‍රෑන්ඩ් ෆෙන්වික් දනව්වේ සෙසු පිරිමි ගියහ. අනික් සියල්ලන් ම නැවට බට පසු ටලී පමණක් පිටත හිටගෙන සිටියේ ය.

“මම නඟින තෙක් සූදානමින් ඉන්න,” ඔහු කීවේය. “මට කරන්න තව එක දෙයක් තියෙනවා.” නැවෙන් එළියට විසි කර යමක් අල්ලා ගන්නා කොක්ක සහිත වූ කඹයක් අතට ගත් ටලී එය අසල වූ ගොඩනැඟිල්ලක වහලට විසි කළේය. ගොඩනැඟිල්ල උඩ තරු හා ඉරි වලින් පිරි ඇමෙරිකන් කොඩිය ලෙලදුනි. ඔහු එය ගලවා ගෙන තම අතේ පොට්ටනියක් සේ ගුලි කරගත්තේ ය. ඉන්පසු එක හිසකින් ඔව් සහ අනික් හිසෙන් නැහැ යැයි කියන උකුස්සා සහිත වූ ග්‍රෑන්ඩ් ෆෙන්වික් දනව්වේ කොඩිය එහි එසැවීය.

ටලී නැවට නැඟි පසු ඔවුන් ගමනාරම්භ කළහ.

නැවියන්ගේ පරාදීසියක් වූ නිව් යෝර්ක් හි ගොඩබිමට යන්නට අවසර නොලැබීම ගැන බලවත් අමනාපයෙන් සිටි පේද්‍රෝ උපහාසාත්මක ලෙසින් මෙසේ ඇසුවේය, “ඉතින්, ඔබලා ගිහින් පැය පහක් විතර වුනා. කොහොම ද ඇමෙරිකාව එක්ක සටන් වැදි යුද්ධය?”

“අපි දිනුවා,” ටලී කීවේ සංසුන් ලෙසිනි. දැඩි පුදුමයට පත් වූ පේද්‍රෝ තමන් විකමින් සිටි දුම්කොළ ගුලිය සම්පූර්ණයෙන් ම ගිල්ලේ ය.

Advertisements

ප්‍රතිචාර 2 »

  1. top

    ප්‍රතිචාර විසින් Dinuka Jayasinghe — ජූනි 4, 2012 @ 9:25 පෙ.ව.


RSS feed for comments on this post. TrackBack URI

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

WordPress.comහි නොමිලේ වෙබ්අඩවියක් හෝ බ්ලොග් සටහනක් සාදාගන්න.

%d bloggers like this: