Sinhala story Blog

මාර්තු 22, 2012

තනිකම දුරලන්නට එන්නා -3

Filed under: Uncategorized — sinhalashortstories @ 8:22 පෙ.ව.

මේ බව සූ නොදන්නා එක වැදගති.

ඇය කිසිදවසක මෙය දැනගනු නොමැත. තමන් රස්සාවට කරන්නේ මෙය යැයි ඇය දැන ගන්නවාට වඩා ඔහු මිය යන්නට වඩා කැමතියි. මෙය වැදගත් රස්සාවකි. ඔව්, ඉතා වැදගත් රස්සාවකි! මිස් වෑන් නස් ඒක වගබලා ගන්නීය. එහෙත් ඒක පිරිමියෙකුට සුදුසු රස්සාවක් නොවේ යැයි ලැරීට සිතේ. එහෙත් ඔහු ස්තූති පූර්වක විය යුතුය. මන්ද එය රස්සාවකි. එයින් ග්‍රාන්ට් වීදියේ 745 දරණ කුඩා නිවස පවත්වා ගෙන යන්නට හැකිය.

සූ කිසිදිනෙක ඔහුගේ කැප කිරීම ගැන දැනගත යුතු නැත. මෙවැනි රස්සාවක් කරනවා යැයි දැනගත්තොත්, කුලෑටි, නිහඬ සූ, කිසිදා රාත්‍රී සමාජශාලාවක් දැක නැති සූ, බියට පත්වනු නිසැකය. මුලින්, ඇයව රාත්‍රියේ එළියට ගෙන යන්නැයි ඇය යටහත් පහත්ව ඉල්ලා සිටියාය. එහෙත් ඔහුගේ කෝපය හමුවේ ඇය ඒ ගැන නැවත කතා කළේ නැත. නැවත ඉල්ලුවේ නැත. එවැනි නපුරු, හඬින් පිරුණු තැන්වලට ඇයව කිසිදිනෙක ඔහු එක්කගෙන යන්නේ නැත. ඔහුව හොඳින් හැමෝම දන්නා තැන්වලට. ඔහුගේ රස්සාවත් හැමෝම දන්නා තැන්වලට. අනික, මේ දිළිසෙන ලෝකය, ජෑස් සංගීතය, වේටර්වරු ඔහුට එපා වී ඇත.

ඔහු සුසුම් හෙලුවේය. උරහිස් කෙලින් කරගෙන රාත්‍රී කාර්යයන් අරඹනු පිණිස මිස් වෑන් නස්ගේ කාර්යාලය වෙත පා නැඟුවේය.

ලැරී නිවසින් පිටත් වී ගිය පසු, වැසුණු දොර දිහා සූ දිගු කාලයක් හිටගෙන බලාගෙන උන්නාය. ඇයගේ අතේ සල්ලි නෝට්ටු හිර වී තිබුණි. අනතුරුව ඇය කුස්සියේ ලාච්චු අස්සේ සැඟවී තිබි කුඩා ටින් පෙට්ටියක් එළියට ගත්තාය. ඇයගේ රහස් කැටයට අන්තිම ඩොලරය එකතු කළාය. දැන් එහි ඩොලර් සියයක් එකතු වී ඇත. හරියටම සියයක්. ඇය බලාපොරොත්තුවෙන් සිටි රාත්‍රිය මෙයයි.

ගෙදර වියදමට දුන් මුදල් වලින් ඉතා ප්‍රවේසමෙන්, ඉතා දුෂ්කර ලෙසින් ඇය ඉතිරි කරන්නට සමත් වූවාය. දැන් ඇය සූදානම්ය. ඇය අල්මාරිය වෙත ගොස් සන්ධ්‍යා ගවුමක් එළියට ගත්තාය. එය ලස්සන නිල් පැහැයෙන් වූ දිළිසෙන ගවුමකි. වසර දෙකකින් ඇය එය කිසිම තැනකට හැඳ නැත. එය ඉතා ප්‍රෙව්සමෙන් ඇය ඇඳ මත දිග හැරියාය. ඒ දිහා බලා සිටියේ සතුටිනි. එක රාත්‍රියකට, එක රාත්‍රියක් පමණකට, ඇය එය අඳින්නටත්, එය හැඳ නටන්නටත්, සිනාවෙන්නටත්, නිව්යෝර්ක් පැමිණ පසු නිතර අහන්නට ලැබෙන රාත්‍රී සමාජශාලාවක දිළිසෙන ලයිට් බලන්නටත් ඇයට හැකිය. ලැරීව රවටනවා යැයි ඇයට සිතුණි. ඒත් ඒක කිසිත් වරදක් නොවන රැවටීමක් නේද! කුඩා කාලයක් පමණක් නටන්නට, අහිංසක විනෝදයක් ලබන්නට, ලැරීට වටහාගත නොහැකි වූවකට, මහන්සියෙන් වැඩ කරන ලැරී කිසිසේත්ම සිතන්නේ නැති වූවක් කරන්නට … ඇය ලැරීට ඉතා ආදරෙයි. ඔවුන්ගේ පුංචි ගෙදර ගැන ඇයට ඇත්තේ මහත් සතුටකි. ඒත් ඇය ගෙවනා ඒ පාළු සන්ධ්‍යාවන් ඉතා දීර්ඝය. ඇය තවමත් තරුණය. ඇය හැඳ සිටිනා නිල් ගවුමෙන් ඇය ඉතා පියකරු යැයි පෙනේ. එක රාත්‍රියක් පමණක් … එහි වරදක් නැහැ, ලැරී දැනගන්න අවශ්‍ය නැහැ.

කවුරු හරි පිරිමියෙකු හා ගියොත් ඒක වෙන දෙයක්. ඇය එහෙම යනවා නෙමෙයිනෙ. ඇය තමන් වෙනුවෙන් ගෙවලා තමයි යන්නෙ. ඒක හරියට කරන්නෙ. ඩොලර් සියයක්, එක හිතුවක්කාර පිස්සුවකට. එය ආරක්ෂා සහිතව සහ වැදගත් විදියට සකස් කරගන්නා හැටි ඇයට ඇසී තිබුණි. ඇයගේ හදවත ස්පන්දනය වෙනවා ඇයට දැනුණි. ඇය දුරකතනය වෙත ගියාය.

පාර්ක් ඇවනියු හි කාර්යාලයේ කාර්යක්ෂම ලේකම්වරියක් තම මේසය ඉදිරියේ සිටගෙන ඉන්නා ලැරී ඩීන් දිහා බැලුවාය.

“ඔයාගේ අද කාර්යය, මිස්ට ඩීන්,” ඇය කීවාය, “රාත්‍රි භෝජනය, නැටුම්, නගරයේ හොඳම තැනේ දී, සම්පූර්ණ සන්ධ්‍යා ඇඳුම් කට්ටලයෙන්. පැයකින් ඔබ ගිහින් මුණගැහෙන්න ඕනා, මිසිස් ඩීන්ව -ඥාතියෙක් නෙමෙයි නේද?- ස්ථානය අංක 745, ග්‍රාන්ට් වීදිය.”

****

අයින් රෑන්ඩ් 1929 දී Escort නමින් ලියූ කෙටිකතාව කොටස් කිහිපයකින් මෙසේ පරිවර්තනය කරන ලදි.

Advertisements

ප්‍රතිචාරයක් ලබාදෙන්න »

තවමත් ප්‍රතිචාර නොමැත.

RSS feed for comments on this post. TrackBack URI

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

WordPress.comහි බ්ලොග් සටහනක්.

%d bloggers like this: