Sinhala story Blog

දෙසැම්බර් 8, 2011

අපි ජීවත්වන්නෝ -360 ජනතාව නැඟිටිනු ඇත

Filed under: Uncategorized — sinhalashortstories @ 7:33 පෙ.ව.

“කහන්න එපා, සහෝදරයා.”

“ඔබේ නම්-බුව, ඔබේජීවි-තය, ඔබේ නි-ද-හ-ස …”

“සහෝදරයා, සූර්යකාන්ත මල් ඇට හපන එක නවත්වන්න. ඒක අගෞරවයක් …”

“ඒක මෙන්න මෙහෙමයි, ප්රස්කෝවියා: ඔයා ළූණු සිවිය ගලවනවා. පිටි පොඩ්ඩක් එකතු කරනවා. අතට අහුවෙන ඕනෑම පිටි වර්ගයක්. ඊට පස්සෙ ලයිනෝරු තෙල් බිංදුවක් දාලා …”

“එයාලට සියදිවිනසා ගන්න වෙන්නෙ අහවල් කාරියකට ද?”

රතු බැනරයක් මෙසේ කීවේ ය:
මනුෂ්යනත්වයේ නිදහස වෙනුවෙන් කොමියුනිස්ට් පක්ෂය ඕනෑම දිවි පිදීමකට සූදානම්

“පිටිපස්සෙ තරප්පු පෙළ යට පුංචි ගබඩා කාමරයක් තියනවා. එතැන පිදුරු ගොඩකුත් තියනවා. අපිව කාටවත් ඇහෙන්නෙ නැහැ එතැන දී … මගේ මහත්තයා? ඒ දුප්පතාට අළුතින් මොළයක් පහළ වෙන්නෙ නැහැ …”

“මෙනේරි උයන්න කළින් පැය කිහිපයක් වතුරේ පෙඟෙන්න හරින්න …”

“දෙවියනේ! මේ හත්වැනි මාසය. ඔව් ඒක තමා. මට ගිනිකූරක් වගේ හැඩරුවක් තියේ කියල අපේක්ෂා කරන්න ඔයාට බැහැ. ඉතින් මේ වගේ ඇවිදින්න … ඔව්, ඒක මගේ පස්වැනි මාසය …”

“දුෂ්ටපාලකයන් ඇද-වැටෙනු ඇත සහ ජනතාවනැඟිටිනු -ඇත
අති උදාර, සර්ව බලධාරී, යදම්-ගැල-වී-ගිය!”

“ජේසුස් ක්රිස්තුස් දෙවියනි! මම ඔට්ටු අල්ලනවා පත්තරය මඟේ හමට ඇලවිලා කියල. ඔයා කවදා හරි පත්තර පාවිච්චි කරලා තියනවා ද කකුල් රස්නයෙන් තියාගන්න, සහෝදරයා? මේස් ඇතුලට දාලා?”

“එතකොට කකුල් ගඳ ගහනවා.”

“ඔයා ඈනුම් අරින කොට කට වහගන්න අතින්, සහෝදරිය.”

“සාප වෙන්න ඕනා මේ පෙලපාලි වලට! ඒ යකා කවුද කියලා කවුරුත් දන්නවා ද?”

“ඔබ-ආදරයකරන-ජනතාවටයි ඔ-බ ස-තුසියල්ල-දුන්නේ …”

අරගලය විසින් බිල්ලට ගත්තවුන් සඳහා වෙන් කරන ලද ඉඩම නගරයේ මැද දැවැන්ත චතුරශ්රයකි. නේවා ගඟේ එක ඉවුරකින් පටන් ගෙන පැතිර ගිය සුදු කාන්තාරයක් සේ, සැතපුම් භාගයක් පමණ දිගට ඇදි, පෙට්රොගෑඩයේ මැද වූ තට්ට හිසක් සේ පෙනුණි. එහි එක පැත්තකින් ගිම්හාන උද්යානයේ යකඩ හෙල්ලයන් සේ වූ වැට ඉඩම මුර කරන්නාක් මෙන් තිබුණි. ඒ හෙල්ලයන් හැදි යකඩ සේ කළු පැහැයෙන් කොළ නැති ගස් වලින් වූ ඉඩම ඔවුන් ඉදිරියේ පෙනුනේ පාළුවට ගිය සුදු හිස් භූමියක් සේ ය.

අරගලයට පෙර එය අඟහරු පිටිය සේ හැඳින්වුණි. අළු නිල ඇඳුම් හැඳගත් හමුදා භටයන් පා ගමන් පුහුණු එහි පැවැත්වූහ. අරගලය විසින් එහි රෝස පැහැති ග්රැනයිට් සොහොන් කොත් වලින් කුඩා හතරැස් කොටසක් ඉදි කර ඇත. පිටිය මැද පාළුවට ගිය කුඩා දිවයිනයක් ලෙස ය. 1917 පෙබරවාරියේ පෙට්රොගෑඩ් වීදි වල බිල්ලට ලක් වූ ප්රථම අරගල සටන්කාමීන් එහා සොහොන් ‍කොත් යට මිහිදන් වූහ. ඒ කුඩා දිවයිනට තවත් බොහෝ ග්රැනයිට් සොහොන් කොත් 1917 පෙබරවාරියෙන් පසු එකතු වී ඇත. ‍සොහොන් කොත්වල කෙටුන නාමයන් අයිති වූයේ විරෝධ පෙලපාලියක් යන්නට හේතු පාදක වූවන් ට ය. ඔවුන්ගේ අන්තිම තෑග්ග වූයේ “අරගලයේ බිල්ල” යන විරුදාවලිය වුණි.

රතු මිනීපෙට්ටියක් උඩින් වූ රතු ග්රැනයිට් කුට්ටියක් මත පවෙල් සියරොව් නැඟ ගත්තේ ය. ඔහුගේ සිහින් සිරුර තදට හිරවුන හම් කබායක ද, පුළුල් කලිසමක ඉහළට දිව ගිය හමුදා බූට් සපත්තු වලින් ද සැරසී තිබුණි. ඔහු අළු අහස පසුබිමින් ආඩම්බරයෙන්, කැපී පෙනෙන ලෙසින් නැඟී සිටියේ ය. ඔහුගේ බ්ලොන්ඩ් හිසකෙස් සුළඟට හැම අත විහිද ගියේ ය. නොසෙල්වෙන හිස් ගංඟාවක් උඩින් සහ බැනරයන් මතින් ඔහු ආශීර්වාදයක්, අනුශාසනයක් කරන විලාසයකින් ඔහුගේ දෑත් සංවේගාත්මක ලෙසින් එසවිණ.

“සහෝදරවරුනි!” පවෙල් සියරොව්ගේ කටහඬ නිහඬ දහස් ගණනක පිරිස වෙත ගිගුරම් දෙමින් පැතිර ගියේ ය. “අපි අද මෙතැන, පොදු කණගාටුවකින්, පොදු වගකීමකින් බිල්ලට ගොදුරු වූ අපේ වීරයකුට අවසන් ආචාරය පිරිනමමු. අපිට ශ්රේෂ්ඨ මිනිහෙක් අහිමි විය. අපිට ශ්රේෂ්ඨ සටන්කාමියෙක් අහිමි විය. සමහර විට, මට ඉඩ ලැබෙයි කියන්න, ඔහුගේ මරණයට ගෞරව පුදන්නට මා හා එක් වූ බොහෝ අය අතරේ මට වඩා දැඩි කණගාටුවක් දැනෙනවා කියල. ඔයාල ඔහු ජීවත්වෙද්දී දැන සිටියේ නැහැ. මම ඔහුගේ සමීපතයෙක්. ඒ මට ලැබුණ වරප්රසාදය මම ඔබ සැ‍වොම හා බෙදා ගත යුතුයි. අන්ද්රෙ ටැගනොව් ප්රසිද්ධ මිනිහෙක් නොවෙයි. ඒත් එයා ආඩම්බරයෙන්, වීරෝදාර ලෙසින් හෙබූ පදවියක් තමයි කොමියුනිස්ට්කාරයෙක් යන්න. ඔහු ආවේ වැඩ කරන ජනතාව අතරින්. ඔහු සහ මම, අපි හැදුනෙ වැඩුනෙ එකට. වසර ගණනාවක් පුරා අපි දෙන්නා බෙදා ගත්තා පුටිලොව්ස්කි කම්හලේ වැඩ කරන ජනතාවගේ බර. අරගලයට බොහෝ කලකට පෙර. ඒ ඈත අඳුරු කාලයේ පක්ෂ කාඩ්පතක් කියන්නෙ සයිබීරියාවට යන අවසර පතක්. නැත්නම් සාර් රජ්ජුරුවන්ගෙ එල්ලා මරණ තොණ්ඩුවට ගෙල තියන්න හේතුවක්. අපි දෙන්න එකා සේ, ටැගනොව් සහෝදරයා සහ මම, මේ නගරයේ වීදිවල 1917 ඔක්තෝබරයේ ඒ කීර්තිමත් දිනවල සටන් වැදුන. අපි දෙන්නා එකා සේ, රතු හමුදාවේ සේවය කළා. අපේ ජයග්රහණයෙන් පසුව ආ සාමය හා ප්රතිසංස්කරණය වූ අවුරුදු වල, යුද්ධයන්ට වඩා නිර්භීත වන්නට සිද්ධ වූ ඒ දුෂ්කර කාලයේ, ඔහු එක් අයෙකුට කරත හැකි වූවාට වඩා මහත් නිහඬ, නිහතමානී, පරහිතකාමී වැඩ කොටසක්, ඔබේ පක්ෂය ඔබ වෙනුවෙන් ගෙන යන වැඩ කොටස, එක්සත් සෝවියට් රුසියාවේ වැඩ කරන ජනතාව වෙනුවෙන් සේවය පිරිනැමුවා! ඒ වැඩ කොටසේ බිල්ලෙක් ලෙසින් ඔහු ඇද වැටුනේ. නමුත් ඔහුගේ මරණය ගැන අපිට ඇති ශෝකය ඔහුගේ ජයග්රහණයන් ගැන වූ ප්රීතියක්. ඔහු මිය ගියා, එහෙත් ඔහුගේ කාර්ය භාරය, අපේ කාර්ය භාරය, ඒක දිගට ම ගෙන යනවා. ඒකීය පුද්ගලයෙක් වැටෙන්න පුළුවන්. නමුත් සාමූහිකත්වය හැමදාම ජීවත්වේවි. සෝවියට් මඟ පෙන්වීම යටතේ, ශ්රේෂ්ඨ සියළු වෘත්තීය කොමියුනිස්ට් පක්ෂයේ නායකත්වය යටතේ, අපි වැඩ කරන නිදහස් ජනතාවගේ අවංක ශ්රමයේ බලයෙන් ලෝකය පාලනය වන දීප්තිමත් අනාගතයකට පා ගමන් තබනවා! ධනවාදී රටවල් වල මෙන් නොව ශ්රමය යන්න තව දුරටත් වහල්කමක් නොවේවි. අපේ කුඩා වැදගැම්මකට නැති පුද්ගලික කාරණා වලට වඩා, අපේ පටු ශෝකයට වඩා, අපේ ජීවිත වලටත් වඩා ශ්රේෂ්ඨ වූ නිදහස් හා සතුටු යුතුකමක් වේවි -කම්කරු සමාජයේ සදාකාලික සාමූහිකත්වය! අපේ කීර්තිමත් මරණයට ගොදුරු වූ සහෝදරයන් සදහටම අපේ මතකයේ සිටීවි, ඒත් අපි ඉදිරියට ම ගමන් කළ යුතුයි. අන්ද්රෙ ටැගනොව් මිය ගියා, ඒත් අපි ඉන්නවා. ජීවිතය හා ජයග්රහණය අපේ ය. අනාගතය අපේ ය!”

Advertisements

ප්‍රතිචාරයක් ලබාදෙන්න »

තවමත් ප්‍රතිචාර නොමැත.

RSS feed for comments on this post. TrackBack URI

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

WordPress.comහි බ්ලොග් සටහනක්.

%d bloggers like this: