Sinhala story Blog

අගෝස්තු 11, 2011

අපි ජීවත්වන්නෝ -252 හෙමින් පිට වූ කපටි වදන්

Filed under: Uncategorized — sinhalashortstories @ 8:24 පෙ.ව.

“ඇයි මොකද, කීරා?” ලියෝ ඇසුවේය.

“ලියෝ, අපිට මීට කළින් මොරොසොව් පුරවැසියා මුණ ගැසිලා තියෙනවා නේද?”

“මම හිතන්නෙ නැහැ.”

“නැහැ මීට කළින් මට ඒ සතුට ලැබිලා නැහැ, කීරා ඇලෙක්සැන්ඩ්‍රව්නා,” මොරොසොව් ඇද පැද කිව්වේ ය. ඔහුගේ දෑස් එකවර කපටි සහ අහිංසක විය. සම්මුතියකින් එකඟ වූ සේ හිතවත් බවක් පෑවේය.

කීරා සෙමෙන් තම කබාය ගලවද්දී ඔහු ලියෝ වෙත හැරුනේය. “කඩ කාමරය, ලෙව් සර්ගියේවිච්, අපි ඒක කුට්ස්නෙට්ස්කි වෙළඳපොල අසල තැනක දාමු. හොඳම පරිසරය. මගේ ඇස් හිස් කඩයක් දිහාට ගහගෙන ඉන්නෙ -හරියටම අපට අවශ්‍ය එකට. එක ජනේලයයි. පටු කාමරයක් -හතරැස් මීටර් ප්‍රමාණය අඩු නිසා වැඩිය ගෙවන්න වෙන්නෙත් නැහැ- මම ද‍හයෙ කොළ ටිකක් උප්‍රව්ඩම්ගෙ අතේ රැඳෙව්ව. ඉතින් එයා අපිට හොඳ, ලොකු බිම් කාමරයක් දෙයි -ඒක අපිට හරියටම අවශ්‍යම එක. මට පුළුවන් හෙට ඔයාව එතැනට එක්ක ගෙන යන්න, ඔයා හරි සතුටු වෙයි.”

කීරාගේ කබාය බිමට වැටුණි. මේසය මත වූ ලාම්පුවේ එළියෙන් මොරොසොව්ගේ මුහුණ ලියෝගේ මුහුණ වෙත ළං වෙනවා ඇය දැකීය. මොරොසොව්ගේ තඩි තොල් මැදින් රතු මුවින් හෙමින් පිට වූ වදන් කපටි හා වරදක් කරනවා යැයි කියන රහස් වදන් විය. ඇය ලියෝ දිහා ඇස් අයා සිටියාය. ඔහු ඇය දෙස බැලුවේ නැත. ඔහුගේ දෑස් දැඩි ය. අමුතු වූ උනන්දුවකින් විසල් වී ඇත. ඇය ලාම්පු එළියෙන් වැටි රවුමෙන් එපිටත මඳ අඳුරක සිටගෙන සිටියාය. පිරිමි දෙදෙනා ඇයව ගණනකට ගනන් ගත්තේ නැත. සෙමින් හිස් බැල්මක් ඇය වෙත පෑ ඇන්ටෝනියා පැව්ලොව්නා මේසයට හැරී ඇයගේ සිගරැට්ටුවේ අළු ගසමින් සිටියාය.

“කොහොම ද උප්‍රව්ඩම්?” ලියෝ ඇසුවේය.

“මීට වඩා හොඳින් ඉන්න විදියක් නැහැ,” මොරොසොව් කෙකර ගායි. “හරි හිතවත් මනුස්සයෙක්, සැහැල්ලුවෙන් ඉන්න … ප්‍රායෝගික කෙනෙක්. රූබල් දහයේ නෝට්ටු කිහිපයකුත්, ඉඳහිටක වොඩ්කා ටිකකුත් -පරිස්සමෙන් වැඩ කළාම, එයා නිසා අපිට වැඩි වියදමක් නැති වෙයි. මම එයාට කිව්වා ඔයාට කඩ කාමරේ සුද්ද කරලා තියන්න කියල. අපි අළුත් සංඥා පුවරුවක් ඇණවුම් කරමු -‘ලෙව් කොවැලෙන්ස්කි. ආහාර නිෂ්පාදන.’”

“මොනවා ද ඔයා කියන්නෙ?” හරියට මුහුණට අතුල් පහරක් දෙන්නා වැනි ප්‍රචණ්ඩත්වයකින් කීරා තම වදන් මොරොසොව් වෙත යොමු කළාය. ඇය ඔහුට ඉහළින් සිටගෙන ය. ලාම්පුවෙන් වැටි එළියෙන් කැඩුණු සෙවනැලි ඇයගේ මුහුණ පුරා වැටී ඇත. තැතිගත් මොරොසොව් ඇයගෙන් ඈත් වී මේසයට ළං වූයේය.

“ඒක ‍අපේ පොඩි බිස්නස් වැඩක් ගැන කතාවක්, කීරා ඇලෙක්සැන්ඩ්‍රව්නා,” ඔහු පැහැදිලි කළේ මෘදු වූ සමගියකට තැත් දරන සේ වදන් ඇද පැද ය.

“මම ඔයාට පොරොන්දු වුනා කොකෝ ලියෝ වෙනුවෙන් ලොකු උදව්වක් කරයි කියල,” ඇන්ටෝනියා පැව්ලොව්නා සිනා වූවාය.

“කීරා, මම පස්සෙ විස්තර කරන්නම්,” ලි‍යෝ කීවේ හෙමින් ය. එහෙත් ඒ වදන් ආඥාවක් විය.

Advertisements

ප්‍රතිචාරයක් ලබාදෙන්න »

තවමත් ප්‍රතිචාර නොමැත.

RSS feed for comments on this post. TrackBack URI

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

WordPress.comහි නොමිලේ වෙබ්අඩවියක් හෝ බ්ලොග් සටහනක් සාදාගන්න.

%d bloggers like this: