Sinhala story Blog

අප්‍රේල් 4, 2011

අපි ජීවත්වන්නෝ -171 පිටිසරවැසියාගේ නිවස

Filed under: Uncategorized — sinhalashortstories @ 5:46 ප.ව.

‘පිටිසරවැසියාගේ නිවස’ කාර්යාල කිහිපයකින් හා තට්ටු කිහිපයකින් යුත්තකි.

නිති ‍ගැවසිල්ලකින් යුතු සෙනඟකගේ අඩි එහි කොරිඩෝවන්හි වැදිණ. පළමු දි‍නයේ ඇයට මුණ ගැසි වොරනොව් සහෝදරයාගේ ගම්භීර දේහය හැරෙන්නට එහි රැකියාව කළ අනිත් අය ගැන හෝ තම කාර්යාලට පැමිණි පිරිස හැරෙන්නට අනිත් පිරිස් ආවේ කුමක් සඳහා ද යන්න කීරා නොදත්තා ය.

බිතියුක් සහෝදරිය ඔවුනට නිතිපතා මතක් කරදුන් පරිදි ‘පිටිසරවැසියාගේ නිවස’ වනාහි ‘ඈත අඳුරු කොන්වල පිහිටි පිටිසර ගම්මානයන්ට නව කම්කරු සංස්කෘතියේ සුබ සාධන ආලෝකය පතුරුවා හරින කේන්ද්‍රස්ථානයයි.’ හැම පැත්තකින්ම නගරයට ආ ගම්බද සහෝදර ජනතාව සාදරයෙන් පිළිගන්නට එහි ආගන්තුක සත්කාර අත් දෙක පුළුල් ලෙසින් විහදා තිබුණි. එය නැඟී සිටියේ ඔවුන්ගේ ගුරුවරයා හා මඟ පෙන්වන්නා හැටියට ය. එසේම ඔවුන්ගේ අධ්‍යාත්මික හා සංස්කෘති උවමනා සපුරන්නට කැප වී සිටින සේවකයෙක් සේ ය.

බිතියුක් සහෝදරිය දුරකතනයට ඉතා උනන්දුවෙන් කතා කරනවා තම මේසයේ සිට කීරා බලාගෙන සිටියාය: “ඔව්, ඔව්, සහෝදරයා. සේරම ලැහැස්තියි. දවල් එකට සයිබීරියන් පිටිසරවැසියන්ගේ කණ්ඩායම අරගලයේ කෞතුකාගාරයට යනවා. අපේ අරගලයේ ඉතිහාසය මුල දවස්වල ඉඳන් ම, කම්කරු ඉතිහාසය ගැන පහසුවෙන් දැක බලා ගත හැකි පැය දෙකක ප්‍රදර්ශනයක්. ගොඩක් වටිනවා. අපි විශේෂ මඟපෙන්වන්නෙක් ද ලැහැස්ති කරල තියෙන්නෙ. දවල් තුනට පිටිසරවැසි සහෝදර කණ්ඩායම මාක්ස්වාදී සමාජයට යනවා. ‘සෝවියට් නගරයේ හා ගමේ ගැටළු’ යන මැයෙන් දේශනයක් අහන්න අපි ලැහැස්ති කරලා තියෙනවා. හවස පහට පුරෝගාමීන්ගේ සමාජයේ හමුවක් සඳහා සහෝදරයන් සහභාගී වෙයි කියලා බලාපොරොත්තුව. ඔබ වෙනුවෙන් පුංචි දරුවෝ කැඳවා ඇති විශේෂ හමුවක්. ඒ දයාබර පුංචි පැට්ටො පවත්වනවා ශාරීරික ක්‍රියාකාරකම් සංදර්ශනයක්. පිටිසරවැසි සහෝදරයන්ව හවස හතට ඔපෙරාවකට සහභාගී වෙන්නට මැරින්ස්කි නත්‍යාගාරයේ විශේෂ කාමර දෙකක් වෙන් කරලා තියෙන්නෙ. එතැන දී ‘එයිඩා’ ඔපෙරාවට සවන් දෙන්න පුළුවන්.

බිතියුක් සහෝදරිය දුරකතනය රඳවනයේ තැබූ පසු, ඇය පුටුවේ කරකැවී කීරා දෙසට හැරී හමුදා නියෝගයක් නිකුත් කළාය: “ආර්ගුනෝවා සහෝදරිය! විශේෂ දේශකයා සඳහා නිකුත් කරපු අණ පත්‍රිකාව ඔබ ළඟ ද?”

“නැහැ, බිතියුක් සහෝදරිය.”

“ඉවානෝවා සහෝදරිය! ඔබ ටයිප් කළා ද අර අණ පත්‍රිකාව?”

“මොන අණ පත්‍රිකාව ද, බිතියුක් සහෝ…?”

“සයිබීරියාවේ පිටිසරවැසියන් කණ්ඩායම සඳහා විශේෂ දේශකයෙක් ඉල්ලූ අණ පත්‍රිකාව!”

“ඒත්, ඔබ මට කිසිම අණ පත්‍රිකාවක් ටයිප් කරන්න කිව්වෙ නැහැ බිතියුක් සහෝදරි….”

“ඒක මගේ අතින්මයි ලිව්වෙ. මම ඒක ඔයාගෙ මේසය උඩ තිබ්බා.”

“ඔහ්… ඔව්. සහතිකයෙන් ම. ඒක ඒකට ද? ඔහ්.. ඉතින්, මම ඒක දැක්කා. ඒත් මම දැනගෙන හිටියේ නැහැ මම ඒක ටයිප් කළ යුතු යැයි කියලා, බිතියුක් සහෝදරියෙනි. අනික, මගේ ටයිප් රයිටරයේ පටිය ඉරිලා.”

“ආර්ගුනෝවා සහෝදරිය, ඔබට තියෙනවා ද ඉවානෝවා සහෝදරියගේ ටයිප් රයිටරය සඳහා ටයිප් රයිටර පටිය ලබා ගැනීමට නිකුත් කරන ලද අණ පත්‍රිකාව?”

“නැහැ, බිතියුක් සහෝදරිය.”

“ඒක කොහෙද?”

“ඒක වොරනොව් සහෝදරයාගෙ කාර්යාලයේ.”

“ඒක එතැන මොකද කරන්නෙ?”

“වොරනොව් සහෝදරයා ඒක තවම අත්සන් කරලා නැහැ.”

“අනිත් අය අත්සන් කරලා ද?”

“ඔව්, බිතියුක් සහෝදරිය. සෙමෙනෙව් ‍සහෝදරයා අත්සන් කලා. ව්ලැසෝවා ‍සහෝදරිය අත්සන් කලා. පෙරවෙස්ටොව් සහෝදරයා අත්සන් කලා. ඒත් තවම වොරනොව් සහෝදරයා ඒක අපිට එවලා නැහැ.”

“අපි කරන වැඩවල ඇති සංස්කෘතික වැදගත්කම කොපමණ වටිනවා ද කියල සමහර පුද්ගලයන්ට වැටහෙන්නෙ නැහැ!” බිතියුක් සහෝදරිය ගුගුලාය. ඒත් තමන් ඉහළ නිලධාරියෙක් ගැන කළ විවේචනය ඇසී, හම්කබාය ඇඳි උස කෙල්ලගේ සීතල, සැක සහිත බැල්ම තමා වෙත එල්ල වූ බව දැකි ඇය වහාම තමාව නිවැරදි කරගත්තාය. “මම කිව්වෙ ඔබ ගැන, ආර්ගුනෝවා සහෝදරිය. ඔබේ වැඩ ගැන ඔබ අවශ්‍ය තරමට සැලකිල්ලක් දක්වන්නෙ නැහැ. කම්කරු සවිඥානය ගැන ඔබට උවමනාවක් නැහැ. මේ අණ පත්‍රිකාව අත්සන් කර ගැනීම ඔබේ කාර්යභාරය.”

“ඔව්, බිතියුක් සහෝදරියෙනි.”

Advertisements

ප්‍රතිචාරයක් ලබාදෙන්න »

තවමත් ප්‍රතිචාර නොමැත.

RSS feed for comments on this post. TrackBack URI

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

WordPress.comහි බ්ලොග් සටහනක්.

%d bloggers like this: