Sinhala story Blog

ජූලි 23, 2010

අප ජීවත්වන්නෝ -16 මේ මගේ පුංචි යෙහෙළිය කීරා ද?

Filed under: Uncategorized — sinhalashortstories @ 9:04 පෙ.ව.

වසිලි ඉවානොවිච් කතා කළේ කලාතුරකිනි.

ඔහු පැවසුවේ “මේ මගේ පුංචි යෙහෙළිය කීරා ද?” කියා පමණි. ඒ ප්‍රශ්නය චුම්බනයකට වඩා උණුසම් විය.

ඔහුගේ ගිලී ගිය ඇස් ගිනි උදුනක අන්තිම ගල් අඟුරු එහි අළුමතට එක් වන්නට පෙර අවසන් සටනක යෙදෙනා සේය. “වික්ටර් ගෙදර නැති බවට කණගාටුයි. ඔහු විද්‍යාලයට ගිහින්. කොල්ලා මහත් වැඩ කන්දරාවක් කරනවා” යයි ඔහු කීය. සිය පුතාගේ නම අඟුරු දීප්තියෙන් සුළු මොහොතක් බබළන්නට හැකි වූ ශක්තිමත් සුළඟක් විය.

අරගලයට පෙර වසිලි ඉවානොවිච් ඩුනේව් සව්සිරියෙන් පිරි හම් කබා ව්‍යාපාරයක අයිතිකරුවා වූයේය. ඔහු ව්‍යාපාරය ඇරඹුවේ සයිබීරියාවේ වනාන්තරයක සතුන් අල්ලා ගන්නෙක් ලෙස තුවක්කුවකුත්, සපත්තු දෙකකුත් සහ ගවයෙක් උස්සාගත හැකි අත් දෙකකිනි. ඔහුගේ කළවයේ වලසෙක්ගේ දත් පහරවල් සලකුණු ඇත. එක් අවස්ථාවක ඔහුව හිම මත වැළලී දවස් දෙකකට පසු සොයා ගැනුනි. ඔහුගේ අත් දෙකට හිර වී බියගත් සයිබීරියන් ජනතාව දැකි එකම රිදී පැහැති මයිල් ඇති අභිමානවත් පෙනුමැති නරියෙකු විය. ඔහුගේ නෑදෑයෝ වසර දහයක් යනතුරු ඔහු කොහේදැයි නොදත්හ. ආපහු සාන්ත පීටර්ස්බර්ග් වෙත ආ ඔහු එහි කඩසාප්පුවක් ඇරියේය. ඒ සාප්පුවේ දොර අගුලක් පවා සිය නෑදෑයන්ට දරන්නට බැරි වැයකින් යුතුවිය. නෙව්ස්කි පාරේ ගමන් කරන සිය අශ්ව කරත්තයට බැඳි අශ්වයන් තිදෙනාගේ පාද වලට ඔහු රිදී ලාඩම් ගැසීය.

රාජකීය මාලිගාවල තරප්පු පෙළවල් සරසන සුදු ලොම් ඇති මුගටි මයිල් හම් ඔහු‍ අතින් සැපයිණ. කිරි ගරුඬ සේ සුදු පැහැති උරහිස් සරසන සේබල් මයිල් කබා ඔහු අතින් සැපයිණ. ඔහු අතින් මාරු වූ හැම මයිල් ගසක් වූ හැම මයිල් හමකම විඩාව දැරුවේ ඔහුගේ සීතලෙන් මිදි සයිබීරියන් රාත්‍රියන් ගෙවූ ඔහුගේ මාංශපේශීන්ය.

ඔහුගේ වයස වසර හැටකි. ඔහුගේ කොන්ද ඔහුගේ තුවක්කුව මෙන් කෙළින් තිබුණි. ඔහුගේ ස්ප්‍රීතුව ඔහුගේ කොන්ද මෙන් කෙළින් විය.

ගලීනා පෙට්‍රොව්නා සිය සොහොයුරියගේ කෑම කාමරයේ දී මෙනේරි පිරි හැන්දක් මුවට ළං කරද්දී යටැසින් වසිලි ඉවානොවිච් දෙස බැලුවාය. ඔහු දිහා කෙළින් බලන්නට ඇය බිය වූවාය. ඔහුගේ කුදු වූ කොන්ද ඇය දුටු නිසා ඔහුගේ ස්ප්‍රීතුව ගැන ඇය කල්පනා කළාය.

කෑම කාමරයේ වෙනස්කම් ද ඇය දුටුවාය. ඇය අනුභව කරන හැන්ද අකුරු කොටන ලද රිදීයෙන් නිමැවුණක් නොවේ. එය බෙලෙක් වලින් නිපදවන ලද ආහාරයට ලෝහ රස මුසු කරන්නකි. කෑම කාමරයේ මේසය සැරසි පළිඟු හා රිදීයෙන් නිම කරන ලද පළතුරු භාජන ඇයගේ සිහියට නැඟිණ. යුක්-රේනියන් මැටි වලින් සාදන ලද හුදකලා ජග්ගුවක් පමණක් අද එතැන විය. බිත්තියේ ඉතිරිව ඇති මළකඩ කෑ ඇණ පරණ සිතුවම් එල්ලා තිබුණු තැන් පෙන්වයි.

ගලීනා පෙට්‍රොව්නා ඉදිරියෙන් වාඩි වූ මරියා පෙට්‍රොව්නා නොසන්සුන්, ඉක්මණින් පෙරළන වචන වලින් කතාබහේ යෙදෙන්නීය. ඇයගේ හිතුවක්කාර ශෛලියක් ගත් වදන් ඇය ඇතුල් වූ සෑම ආහාර ගන්නා ශාලාවක්ම පිනවන්නට ඉහත කලක සමත් වුවත් අද ඇය කියන්නා වචන ගලීනා පෙට්‍රොව්නාට නුහුරුය. ඔවුන් දෙදෙන වෙන්වී සිටි කාලය ඇතුලත සිද්ධ වූ විශේෂ සිද්ධීන් ගැන ඇය කියන්නීය.

ප්‍රතිචාර 2 »

  1. I don’t think translating ‘spirit’ as ‘ස්ප්‍රීතුව’ in this context is correct.
    Here are list of words that might match. http://maduraonline.com/?find=spirit

    ප්‍රතිචාර විසින් Grey — ජූලි 26, 2010 @ 2:47 පෙ.ව.


RSS feed for comments on this post. TrackBack URI

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

WordPress.comහි බ්ලොග් සටහනක්.

%d bloggers like this: